آوازِ عصر

پروفیسر سیّد قمر یحییٰ

ہے نا تمام ذکرِ شہیداںؑ تیرے بغیر 

ہے سوگوار شامِ غریباں تیرے بغیر

میلادِ مصطفیٰ ؐ میں وہ وجد آفریں خطاب

بے کیف پھر ہے ذکرِ بہاراں تیرے بغیر

اے باغِ پنجتنؑ کے خوش آواز عندلیب

  خاموش پھر ہے محفلِ جاناں تیرے بغیر

سب کچھ لُٹاکے ہند میں بس لائے تھے تجھے

     پھر ہوگئے ہیں چاک گریباں تیرے بغیر

ہے مجلسِ عزا میں ابھی تیرا انتظار

   ہے جستجو میں شامِ غریباں تیرے بغیر

میر و انیس غالب و اقبال کے کلام 

    پھر ہوگئے ہیں ورقِ پریشاں تیرے بغیر

ہاں السلام منبرِ سجادؑ کے خطیب

اے ابنِ بوترابؑ کے مدّاح اور نقیب

مدّاحِ اہلِ بیتِؑ رسولِ خداؐ سلام 

   آوازِ عصر ذاکرِ کرب و بلا سلام

Scroll to Top